夏天到，相信大家都好煩惱應該用咩化妝品同護膚品，
因為香港夏天又焗又濕又熱，好容易出油溶妝！
近黎我都收到唔少朋友仔what'sapp 問我有咩產品啱用，
所以等我依家出返個post推介下啲產品先！
首先，唔理有無化妝，會唔會化妝，打好個底，做好護理控油先。
大家洗完面用完toner搽埋serum之後，
可以用theBalm vanilla oil absorbing face moisturizer，
呢個係face cream 黎，可以吸油而同時唔會抽乾水份。
如果油肌可以全面搽，如果混合性肌膚，局部地方出油，
例如t- zone ，可以只搽會出油嘅地方，
其它地方可以照樣用保濕或一直用開嘅cream。
如果想出街皮膚睇落滑啲靚啲，可以用埋theBalm primer,
呢枝可以收細毛孔，撫平細紋，控油，
而且含有維他命A、C、E 及有成份助抗炎、補充自由基，抗氧化,
所以唔化妝嘅朋友都可以單搽呢枝作護膚品（無色嘅）。
當然如果化妝嘅朋友仔可以用呢個打底啦。
如果化妝的話，可以用返自己平時用嘅粉底，
只係係定妝方面可以挑選番啲能控油嘅產品。
建議可以用sexy mama 黎定妝，
佢係專門用黎抗油光，控油㗎，
所以搽完粉底後可以用powder brush 打圈掃然後fing走多餘嘅粉，
再先上臉中央位置，即t- zone, 呢啲最易出油既地方係應最先上粉，
因為最初初掃上嘅粉係沾得最多。然後才上臉頰。
如果不小心重手咗，可以用一個乾淨嘅掃全臉打圈掃走多餘嘅粉。
如果眼部及鼻出油比較嚴重，可以嘗試用粉撲，再用按壓形式上粉。
平價少少嘅選擇係rimmel stay matte press powder ,
控油能力沒有sexy mama好，但算不俗了，價錢上黎睇已經超值。
眼部方面，想眼影眼線更持久，就一定要用eye primer。
除咗更持久外，更加可以令顔色更出色。
推介嘅當然係Urban Decay eyeshadow primer potion, 相信無人不曉啦。
平價選擇會係theBalm put a lid on it。
咁除咗價錢2個有咩分別呢？
function 上，urban decay 嘅當然係勁啲，我直情形容佢係擁有皇者地位。
質地上，2個都好silky, 不過put a lid on it 會較水潤，
如果眼部皮膚好乾嘅朋友會比較鍾意。
顏色上，2個擠出黎都係肉色，不過推開後會變咗透明。
無論用邊隻，都有2個要點要注意。
第一，用量不需要多，少少就夠啦。
第二，搽咗上眼一定要用少少時間推開，等佢吸收先再搽眼影。
最後化哂全面妝之後，可以用Urban Decay setting spray 定妝，又係勁多人大讚嘅產品。
佢可以幫你個妝last到16小時，咁就唔使成日補妝啦。
setting spray 有分幾隻，一般出多人用嘅係all nighter,
所有skin type 都啱用（即係dry skin, combination skin and oily skin 都得）。
如果真係特別勁油嘅可以用De- slick oil control 個隻。
希望呢個post可以幫到油肌朋友同埋大家渡過夏天啦！如果有問題，歡迎大家留言
