防曬產品推介

如果有睇我之前既post，該知道我係超級敏感肌，之前有過玫瑰痤瘡，同埋唇炎，

係我好徬徨嘅時候，除咗睇專科醫生，我都好落力搵一個護膚品牌係適合敏感肌，

同時又可以鎮靜同修䕶，結果俾我搵到呢個牌子 La Roche- Posay 
 
佢係一個法國牌子，專俾敏感肌膚用，所有產品都有溫泉水，含有礦物質硒Selenium, 

可以有效舒緩及鎮靜皮膚因為敏感引起嘅刺激，

同埋抗氧化及增強皮膚防禦力，仲有抗炎功效。

佢所有嘅產品都係無防腐劑，無香料，法國製造，經過皮膚專家測試，

係好多皮膚專科醫生推介既牌子。
 
我自從皮膚有事之後一直都用呢個牌子嘅產品，已經有三年，

每年都乖乖進貢幾千蚊，差唔多佢所有產品我都用過晒, 

尤其係專為敏感肌而設嘅個個系列，

我其實成日都好想佢地可以搵我做品牌代言人 

大家睇圖上面全部都係我用緊既產品，有好多係已經用完幾支再回購，

其實仲有好多收埋不過費事搵出來
 
之前有好幾個朋友仔what'sapp 問我敏感肌應該用咩護膚產品，

我都係介紹呢個牌子比佢地。
 
夏天就到喇，相信大家都為用咩防曬產品而頭痕。

我真心推介La Roche-Posay 防曬，佢地有SPF50, UVA/ UVB 都防到，

有超強嘅保護力，呢隻仲要有好勁嘅防水能力，好適合夏天戶外活動嘅時候用。

呢隻仲要係物理性嘅防曬，係可以令到對紫外線敏感嘅人都用得！

佢個質地一啲都唔笠，真係好正！我自己都成日推介俾朋友！